خلطااات لحل جميع مشاكل الشعر

مرحبا حلوات


جايبه لكم من تجاربي بخلطات الشعر نبدا بسم الله


اول شي لشعر كثيف عندك الكلونيا حقت الاطفال بالصيدليه اشتري وحده وفكيها وحطيها بعلبه زجاج

وحطي عليها اربع حبات فلفل حار اخضر طبعا تقسم الفلفه لقسمين عشان الماده الحارقه الي فيه وخليها اسبوع وبعد اسبوع صفي الخلطه وحطيها ببخاخ وكل يوم رشي جذور شعرك وافركيه بالانامل

وحتى ريحته حلوه هاذي الخلطه تكثف الشعر وتلاحظين شعرك يطول بسرعه منها مع الاستمرا اكيد مو يوم يومين او فترات متقطعه تقولين ماشفت نتيجه


هاذي الاولى


الخلطه الثانيه وبرضو انا مجربتها بنفسي في زيت برشوت جوز الهند اكيد تعرفونه مع كيشور الهندي اثنين كيشور على واحد برشوت وترجين العلبه قبل الاستخدام سوي كل يوم منها حكام زيت لشعرك او ثلاث مرات بالاسبوع على حسب كم مره تغسلين شعرك بالاسبوع

هاذي لو استمريتي عليها فتره طويله وربي يصير شعرك مثل الهنود طويل وكثيف وله لمعه تهبل



الخلطه الثالثه هاذي للي شعرها جاف وتبيه ينعم ويصير يلمع عندك زيت الجرير والخروع واكليل الجبل واي زيوت حابه تضيفينها وشفتي انها مناسبه لشعرك اخلطيها معها

المهم زيت اكليل الجبل هو الي ينعم ويفرد الشعره ويعطيك لمعه لشعرك تهوس


ابتعدي عن زيت الزيتون للشعر بصراحه احسه يقصف الشعر ويجففه كثير ماناسبني ماادري عن غيري


كل فتره بنزل خلطه للشعر من تجربتي ولا تحرمونا تسدحون خلطاتكم هنا ونشوف ايش الي يناسب الشعر الدهني والشعر الجاف والشعر العادي



موفقين